إبراهيم
~|| المراقب العام ||~
لاعبك المفضل : 
عدد المساهمات : 131
تاريخ التسجيل : 01/05/2011
 | موضوع: حوار مع طفل .. رضيـــع ومهمـوم !!  الأربعاء مايو 04, 2011 6:29 am | |
| حوار مع طفل .. رضيـــع ومهمـوم !!
هذا يا جماعة موضوع يمس مشكلة اجتماعية عامة
ما يعاني منها الا الاطفال الرضع 
واليوم اخبركم قصة مفبركة ( يعني خيالية ) 
ولكن تحاكي وتلمس الواقع المر ...
كنت جالس في احد المراكز التجارية في جلسة مقابلة للنافورة  وكنت أتأمل خرير المياه بعد ما أنهكني التعب من الدوران في هالسوق من محل لمحل ... 
وفجأة جلست جمبي شغالة سيريلانكية معها طفل رضيع أبيض وجميل وكان مهموم جدا ..  طالعته وأمعنت النظر فيه وأبتسمت له وابتسم لي  وقالي أأأغغييي .. أأغغغييي  قلت له نننوووننييي ... ننوونننيي .. 
قلت من الاخ ؟ قال وش عليك 
قلت واحد بيسولف معك !!
قال انا واحد من الاطفال الرضع المظلومين في عالم اللهث خلف المدنية !! 
قال أجل عاجبك وضعي
تحظنني شغالة سيريلانكية وجالسة تتنفس بوجهي 
وانا مالي الا الشقى والصبر
حتى أكبر ويفكون سجني وقيودي بين يديها !!
قلت : والله ما نلومك اذا كانت هذي حالتك !! 
قال : لا هو أنت شفت شي !!
قلت : طيب قل لي برنامجك اليومي !
قال : والله يا حبيبتي أصحى من النوم الفجر ... 
يصحيني الجوع ..
وتعطيني الشغالة حليب مالها خلق اصلا تقوم وتصلحه لي !!
تصرفني بأي شي !!
وأنا والله مالي الا الرضا لأني مجبر
والا اذا صحت زيادة حطتني على صدرها وجلست تهز وتخض كنها ماكينة
تبي تسكتني !!
وبعدين تصحيني أمي وتشيك علي قبل ما تروح الدوام .. 
وتوصي الشغالة علي !!
جزاها الله خيييييييييييييير ... 
وتجيك الشغالة تغير الحفاظة
وتجلس معي من الساعة 7 الصباح الى الساعة 12 الظهر
وانا بحفاظتي ماتغيرها !! 
وتعال شف عاد أنواع المشاق والالتهابات في جلدي وأنواع الروائح !!
قلت له : طيب ماتستخدم الحفايظ سريعة الامتصاص والجفاف ؟
قال : أي سريعة الامتصاص
انتم ايش دراكم !!
مايروح فيها الا نحن ياصغار
ما أحد حاسس فينا !! 
واذا عبرت عن تذمري للوضع السائد جاءت الشغالة وشالتني وحطتني على صدرها وتضمني عليها بقوة وتعال شف الروائح والكتمة واذا صحت وتغير لون وجهي شالتني ولمتني وكل شوي تطل علي وتلاعبني وتعال شف ريحة فمها !!
اااااه بس من وضعي المأساوي !! والله ما أحد معبرنا !! 
قلت له : طيب وأمك وينها ماتشيلك ولا تلاعبك !! قال : الا والله ... تشيييييييييييييييلني وانا والله أضحك بوجهها وأتحمل العطش والجوع لأني أخاف أصيح توديني للشغالة وتقولها صلحي له الرضعة !! واذا رحت للشغالة متى أرجع لحضن الوالده !!  لذلك أجلس مع أمي ساكت !! الا أذا أستفحل الوضع أصيح مرغما واتجه الى الشغالة مجبرا !!
قلت له : طيب ليه ماتنام مع أمك !! قال لي : لا والله ... أنام مع الشغالة !!
وبعد قليل:
جاء رجل من رجال الامن في المركز وقال لي : 
لو سمحت هذي منطقة جلوس عوائل
ممكن ... 
وفي هذي الاثناء أتجهت أنظاري للطفل الرضيع وهو يودعني بدمعة !!
وفجأة رفع يده وقال لي : لحظة ... لحظة بالله !!
قلت : تبقى شيئ؟ 
قال : تصدق هالحفاظة اللي علي لها أكثر من خمس ساعات ماغيروها هالظالمين !!
والشغالة مستمرة في التنفس بوجهي أشكال وألوان !! 
والله اريد ان اصرخ
بس ليتهم يفهمون طلبي ويسمعون صوتي !! 
والله أنبح حلقي وانا أصرخ لعل أمي تفهم مرة 
أني أبي صدرها وأنام بحضنها لو في اليوم مرة !!
أيش رايكم في كلام أطفالكم الرضع حبيباتي الأمهااات ... يامن تجاهلتم مشاعرهم وعدم قدرتهم على التعبير أن أحساسهم ...هو فعلآ حوار خيالي لكنه واقعي في زمن أمتلىء المنزل بشغلات وتكلت الأم عليها في تربية أطفالها وفلذة كبدها وكأنها ببساطه تخلت عن واجب أمومتها ...!!! أجيبوني أن تجرأتم ...!! تذكرو أخواتي الأمهات أن رسولناالكريم قال :، (( كلكم راع وكلكم مسؤل عن رعيته)) ستسئلون من الله عنهم في يوم لاينفع مالآ ولا بنون .... تداركو فلذات أكبادكم قبل فوات الأوااان أسال الله أن يحفظ أولادكم من كل مكروه دمتم في حفظ الرحمن تحيتي إبراهيم
| |
|
عبدالتواب
مشرف المنتدى العام
لاعبك المفضل : 
عدد المساهمات : 153
تاريخ التسجيل : 12/11/2010
العمر : 30
الموقع : السعودية - جدة
| | موضوع: رد: حوار مع طفل .. رضيـــع ومهمـوم !! الخميس مايو 05, 2011 3:00 pm | |
| مشكووووووووووووووووووووووور  | |
|
